Kameme FmKameme Fm News

PS wa ugima wa mwiri,Peter Tum gutanywo gwikinyia mbere ya kamiti ya mbunge

PS wa ugima wa mwiri,Peter Tum gutanywo gwikinyia mbere ya kamiti ya mbunge

Mwandiki mukaru ministry-ini ya ugima wa mwiri Peter Tum, niatanyitwo gwikinyia mbere ya kamiti ya mbunge igii mathabu ma muingi umuthi, gucokia ciuria ngurani ciigii uhuthiri wa kigina kia ministry iyo.

 

Tum aratanywo gutariria ciigii kigina kiria kiahuthikire gukombora macini cia urigitani iria ciaheyanirwo kuri kaunti, iria ciirikanaga ciakomborirwo na muigana wa ciringi birioni 4.6.

 

Ningi no arabatara gutariria uria thirikari yanyabaririe uhuthiri wa kigina kia atumia kuheywo ciana hatari marihi, kiria kiagaiirwo thibitari ngurani, oro undu umwe na mahuthiro ma ciringi birioni 13 ma mwaka wa 2015/16 wa kigina.

Muikariri giti wa kamiti iyo ya PAC Opiyo Wandayi augite mareka utuiria uyu thutha wa mutari wa mathabu ma thirikari kuuga ndatemaniirio maratathi ma kuigana megii mahuthiro macio.

 

Show More

Related Articles