EMOOURERIOSIEK

Kakelewen rwoik cheite 27 chetokchingei kabelisietab World Under-20

Kakelewen rwoik cheite 27 chetokchingei kabelisietab World Under-20 Championships nekiyoe eng kwenutab tarik 10 akoi 15 nebo arawetab 7 eng Tampere, Finland. Kachut eng betutab amut national trials betut nebo oeng ak nebo let eng kiwanjetab Kasarani. Agenge eng rwoik chotok ko Justus Soget lopotindet kobun Baringo County, kipsomaniatab form Four kobun Kirobon High School nekalapat lapatet nemie ak kotur World Under-18 1500m George Manangoi. Katar lapatet notok Soget eng kasartab dakikaisiek 3:37.79

Kaibelis kabelindet bronze eng Commonwealth 5000m Edward Zakayo ak katil tikitit koboto Stanley Waithaka. Kamatinye kasarta neui Lydia Jeruto Lagat kobun Eldama Ravine ne kosir kabelisiet eng lapatet nebo 800m eng 2:02.36 tai nebo Jackline Wambui

Kaibel lapatenyin nebo 3000sc Cellphine Chespol ak kanam namba oeng Mercy Chepkurui. Kaibelis eng komosta nebo werik World Under-18 champions Leonard Bett (2,000m steeplechase) eng dakikaisiek 8:21.40 tai nebo Philemon Kiplagat. Kasir kabelisiet lapatetab 800m Solomon Lekuta nebo (North Eastern) tai nebo Kipng’erich Ng’eno (South Rift) ak konyoru tikitit nebo Tampere. Kabosiien Lekuta 1:46.21 eng chebo Ng’eno 1:46.49

Show More

Related Articles

Leave a Reply

Your email address will not be published.

Check Also

Close