EMOOLOGOIYWEK

Tetat kowek emoni eng betutab raini president  Uhuru Kenyatta

Tetat kowek emoni eng betutab raini president  Uhuru Kenyatta kongete emetab Canada kongoit let tuiyet nebo G7 eng koskolingut nebo betutab amut.  Koiges president rutoitonyi eng ngalalutik chekoyai ak Prime Minister nebo emetab Canada  Justin trudaTrudeau. Koityi kayonchinet kandoichoto tuwai nebo kokimt tiliandit eng kwenut nebo emetab Kenya ak Canada eng sektaisiek chebo mungaret ak magornondit.

Agot kou noto ko koilos president  Kenyatta kabarastaetab Trudeau kole wendi emetab Canada eng kibagenge ak emotinwek alak chebo G7 kogoito toretet nebo poundisiek bilion 2.9 kotoretigei ak emotinwek cheboisie tugul eng kibagegeit nebo G7 asi ketorete somanetab lagok che tibik ak kwonyi cheterter/ chebanandos.

 

Komwa emetab Canada kole tinyei tetutikab kogoito toretet poundisiek bilion 2.9 kotoretigei ak emotinwek cheboisie tugul eng kibagegeit nebo G7 asi ketorete somanetab lagok che tibik ak kwonyi cheterter/ chebanandos

Kosubgei ak serikalitab emonoto, kobendi rabinichoto koger kole kanyor lakwet ne tie ak kwonyik konyor somanet negergei ak nebo werik eng emotinwek cheterter chebo ngwony komugul.

Kikibarasta nito eng betutab jumamos kasarta nekokakotoi koyum rabinik emotinwekab Germany,Japan,  England, kibagengeit nebo emotinwekab kiplelachek EU  ak World Bank.

Tuiyonoto bo G7 ko kikiyai eng emetab Canada ak kotuiyo emotinwekab  Canada, Marekani, Uingereza, Ufaransa, Italia, Japan na Ujerumani.

Show More

Related Articles