Kameme FmKameme Fm News

Ng’ombe imwe kuiywo na kuhithukio ikuitwo ni ngari ya matatu ya gukua athii 14, Murang’a

Ng'ombe imwe kuiywo na kuhithukio ikuitwo ni ngari ya matatu ya gukua athii 14, Murang'a

Borithi kuuma Kandara nimayiukitie ng’ombe ya grade iria ya muigana wa Ksh 90,000 iria iraiyitwo ituura-ini ria Nguthuru mwena wa Muruka na iria iranyitikanire ikuitwo ni ngari ya matatu ya gukua athii 14.

 

Ng’ombe iyo yaiyitwo mucii kwa Moses Kamande Muiruri utuku wa gukiroka gukia muthi wa Jumamothi no borithi maramenyithio ati niyoneka yohetwo githaka-ini thi-ini wa estate ya Thika Greens iria mwako urathii nambere na borithi maramba mutego kuri andu aria mekwiyumiria kugira ng’ombe iyo.

 

OCPD wa Kandara Wilson Kosgey augite ati kwi ithaa-ini ria thaa inyanya gukiroka gukia muthenya wa ira  nimaronire ngari iyo ya matatu KAX 664 S yekinyia na arume 4 na mutumia umwe mauma na maingiria ng’ombe iyo ngari-ini na othe maraikio ngono.

 

Eri a ekuirwo acio ni a ruriri rwa Maasai na ni arangiri kienderio-ini kimwe kia beturu barabara-ini ya Kenol guthii Thika, ndereba na murihia wa ngari iyo na mutumia kurerikana niwe urakomborete ngari Iyo.

 

Ngari iyo irarutitwo giti gia thutha kiria giikaragirwo ni athii 3 na iria ingi igiri iria ikoragwo mwena uria athii maingiragira na n’gombe iyo kuingirio na igacoka ikohwo kuu ngari ni thi-ini.

 

Kosgey augite ati nimarethana na ekuirwo 2 kuuma Thika aria mendagirio ng’ombe ciaiywo mwena wa Muranga’ na kucithinja na kwenda nyama kuri muingi.

Show More

Related Articles

Leave a Reply

Your email address will not be published.