EMOOMUNGARET

World Environment Day

Songoliet netiegei kimugulmet, minutik ak tiongik ko konyor kabuset eng koristo negulei kobun itonwekab emet chekinyorune timwek

Songoliet netiegei kimugulmet, minutik ak tiongik ko konyor kabuset eng koristo negulei kobun itonwekab emet chekinyorune timwek, peek chemitei mbarenik eng dakikiyat age tugul. Kaituiyogei emetab kenya ak emotinwek chebo ng’ony komugul eng betut nekibwoti agobo ribsetab itonwekab emet. Kaitorchingei betutab rani kakwautik chetinyegei ak ribsetab itonwek eng ng’ony komugul.

Ng’olyot neo betutab rani ko boriet nekitokchin yautik chebo ng’emetab itonwek kobun boisietab chupoinik ak kartasisiek chebo plastic eng ngolyot nekatelele “beat plastic pollution.” Kakiyai igoratak eng emetaab india ole indochin igoratak prime minister narendra modi kobun emetab india. Kayai emoni igoratak eng komastab pwani nebo emoni ole kaitita kandoik cheterter eng betutab rani ole kaikimit kurset eng bikaab emet nebo keistoigei boisietab tagalgalisiek anan plastic bags. Kabiit nitok eng kasarta ne kotes emetab kenya eng kasartab arawek 6 ng’atutiet neterei yautik chebo tiletab ketik eng timwek kokaiwongei arawek 3 eng arorutiet nekikon serikali kitelel boisionik ak mungarosiek chebo tiletaab ketik.

Arawetab sisiit kenyitab 2017 kokiisirto  emoni ng’atutiet neterei boisietab tagalgalisiek chebo plastic bags ko kikibaorianji ng’usetabgei kobun chemun’garainik chechobei lolotinwekab tagalgalisiek. Akot nganda kitestai emoni eng kakwautik chetinyegei ak ribsetab itonwek kotakebaorianjin kaimutik eng komaswek cheterchin.

 

Show More

Related Articles