Kameme FmKameme Fm News

Abithaa wa borithi gwithara thutha wa igeria riake ria kuhura aciari ake rithathi kuringa ihiga, Murang’a

Abithaa wa borithi gwithara thutha wa igeria riake ria kuhura aciari ake rithathi kuringa ihiga, Murang'a

Maabithaa a borithi nimarethana na abithaa umwe wa borithi cia AP kuuma ituura ria Mirira mwena wa Kiharu kaunti-ini ya Murang’a na urutaga wira kaunti-ini ya Siaya uria urageririe kuhura marithathi ithe mumuciari na mutumia wa keri uria ithe eriga kuhikia miaka 2 mihituku.

Euphantus Muigua wa miaka 24 arahithukiire ithe Harrison Maina Muigua mena Christine Muthoni Ireri me mugunda makihanda thoroko ithaa-ini ria thaa 4 cia muthenya ethaite na mucinga arakuite na ikunia no ati igeria riake kumaratha na bunduki iyo riraga gukinyanira thutha wa mucinga ucio kwaga kurekereria marithathi.

Ithe atariirie ati abithaa ucio uria warikirie mathomo make cukuru-ini wa Mirira arendaga kumoraga niundu wa mathuguta make kuhikia mutumia ucio thutha wa kihiko giake na nyina gukububana miaka 2 mihituku makiuga ati niamahete mukaana wa kumoraga muthi wa thiguku ya Labour Day mweri muhituku.

Maabithaa kihiri a borithi nimarekinyirie mwena ucio na giko kiu gigekirwo mukonde ni munini wa cibu wa sub location ya Mirira Bernard Kagoto.

Show More

Related Articles