Kameme FmKameme Fm News

Kĩmako Mũrang’a thutha wa mwanake ũmwe kũgeria gũthikũria kaburi ka nyina mũmũciari na gũcooka kũhanda irigũ

Gukirite kieha na ihoru inene ituura-ini ria Kamae Ward-ni ya Gaichanjiru mwena wa Kandara kaunti-ini ya Murang’a, thutha wa mwanake wa ukuru wa miaka 18 guthikuria matigari ma mwiri wa nyina mumuciari no aracoka gutiganiria mihang’o iyo na kuhanda irigu kaburi-ini iyo.

Munini wa cibu wa sub location ya Ngurweini John Kiarie Gachie ni ekirite ndeto iyo mukonde akiuga ati araumburitie kaburi kau uraihu wa biti 5 na ati aratigitie biti 1 akinyire matigari ma mwiri ucio wa nyina.

Mwanake ucio ni aracokire araikio ngono no arethara kuuma thero cia borithi ya borithi cia AP a Ngurweini no arooka kuhithukirwo mathaa-ini ma kiroko ni maabithaa acio e kwao mucii na mamuikia ngono.

Muingi wa ituura riu ugite ati urekua niakoretwo akihuthira ndawa cia kurebia na ati arakoretwo akiuga ati matigari ma nyina matiahurukirio kaburi-ini iyo no ati ni ithanduku itheri riathikirwo na arathikuragia kaburi iyo akienda gwikira uma ndeto iyo.

Munini ucio wa cibu augite ati kwaga hihi ni thina wa meciria enaguo.

Nyina ahurukire miaka 2 mihituku na ithe ahurukire mwanake ucio e munini na aikaraga mucii e wika tondu ati ciana iria maciaraniirwo nguru kumukira itikaraga kuu mucii o riri nacio icio ingi nini ithamiirio muciini wa ciana kuona ati itiri na muirumbuiyia.

Show More

Related Articles

Leave a Reply

Your email address will not be published.