Meru FmMeru fm news

Barabara cia gutonya mucii jwa mutindwa kwiingwa kuuma ntuku ya Alamisi

County Commissioner wa Kaunti ya Meru Wilfred Nyagwanga augite ukaria ibu bukaikwa mustarine jwa mbere ntuku ya Jumaa kienine gia kinoru naria rais Kenyatta na atongeria kathumba berigiiri mamburene ja Kenya yoonthe ja Madaraka.

Akiaria gukurukiira thimu mubangone jwa Theria ntuku aja Meru Fm, Nyagwanga augite bakethirwa na machine iria ikaraitha antu bagikuruka kienine kiu kenda kurigiira mogwati.

Kagitene oo kau Nyagwanga augite barabara cionthe cia gutonya mucii jwa Mutindwa ikaingwa kuuma ntuku ya Alamisi kenda kurigiiria mutitinkano jwa ngari ntuku ya Jumaa.

Nataririitie naria ngari ikarungamiira kuringana na nteere iria ikethirwa ciumite.

Show More

Related Articles

Leave a Reply

Your email address will not be published.