Kameme FmKameme Fm News

Ann Ngirita uria urakuruhanio na ngukumio ya NYS guikio ngono

Ann Ngirita uria urakuruhanio na ngukumio ya NYS guikio ngono

Ann Wambere Ngirita uria waikirio makiria ma ciringi mirioni 60 accounti-ini yake iria irakuruhanio na ngukumio ya NYS hamwe na famiri yake nimaikio ngono mwena wa Naivasha. Aria maikio ngono hamwe nake ni mami wao na ariu a nyina eri.
Kungi nakuo mwandiki mukaru ministry-ini ya mbeu njithi na utungata wa muingi Lillian Mbogo Omollo, ni eneyanire kuri maabithaa a CID thutha wa kwamba kung’athia guikio ngono riria maabithaa marokire gwikinyia gwake.
Mbogo eneyanire riri andu angi 16 aria makuruhanitio na ngukumio ruhonge-ini rwa mbeu NYS, marikitie guikio ngono kuria amwe maikiirio ngono Nairobi na angi mwena wa Naivasha, na riu mahingiritwo ceceni cia Muthaiga na Gigiri.
Hamwe na aria marikitie guikio ngono ni murugamiriri munene wa NYS Richard Ndubai, munini wake Sam Michuki, maabitha angi a NYS aria maikitio ngono ni Matano Odoyo, Wellanalo Mulupi, Keziah Mwangi hamwe na angi.
Angi ni onjoria marahurite biacara na NYS aria ni James Thuita Nderitu, Yvone Wanjiku Ngugi, Sammy Mbugua, Timothy Rotich, David Kiriu hamwe na angi. Ekuirwo aya othe megukoma thero metereire gukinyio igoti-ini muthenya wa ruciu.
Atongoria a gikanitha magitongorio ni muthikabu wa kanitha wa gatoleki diocese ya Embu Paul Kariuki, maugite makinya mahiu nimagiriire gutacukio gutigiriira mianya iria ikoretwo ho uhuthiri-ini wa kigina kia muingi niyahingwo.
Show More

Related Articles

Leave a Reply

Your email address will not be published.