Kameme FmKameme Fm News

Minista wa urimi Mwangi Kiunjuri kuuga ndegutiga wira niundu wa ngukumio ya mbembe

Minista wa urimi Mwangi Kiunjuri, niaugite ndegutiga wira kurumirira ungumania uria ugumiire board ya irio nyumu bururi-ini NCPB. Kiunjuri niaugite muthenya wa ruciu Jumatatu niagatengemania riboti ya Auditor General, kuri ruhonge rwa kuhurana na ungumania EACC, hamwe na CID niguo moe makinya maria mabataranitie. Aritie uguo thukuri-ini wa Mumbi Girls mwena wa Kiharu Muranga, hindi ya igongona ria gutuga arutwo aria mekite wega mathomo-ini cukuru-ini ucio, kuria augite niwe wahuhire firimbi ya ngukumio ya NCPB.
Oho Kiunjuri niaheyanite mukaana kuri aria marageria kumuthing’iriria atige wira, akiuga we ti kiguoya na nonginya ahithuranie aria othe maungumanite.
Nake Women Rep wa Muranga Sabina Chege mena mumbunge wa Kiharu Ndindi Nyoro nimooritie andu aria makuruhanitio na ngukumio iyo mathuthurio na mahingurirwo thitango; makiuga nimekunyita mbaru Kiunjuri ahitane biu na mikora iria iri ministry-ini ya urimi.
Show More

Related Articles