Mayian FmMayian Fm News

Eitasheyieki esiai ilaiguanak 2 te Kajiado West esuju etigila sheria ele osho

Eitasheyieki esiai enye, ilaiguanak 2 oingua kaunti Orkejuado, tenkaraki etigilunore sheria.

Eitabayioki sii lelo aiguanak pokira oingua emurua e bunge e Kajiado West dukuya kotini aisitaaya tenkaraki imakosani naata esiana.

Ore ole deukuya naa Simon Kuyioni olaiguanani le sub -location Esonorua, oisitaayiokui tenkaraki kiama enkerai enkilasi e 2,  naishooyioki meyama oltasat loolarin 58, neisitaari ilo aiguanani eji etii apa enchoto ormarei egirai aas imbaa enkaputi eina kiti tito

Eitasheyieki sii ninye oloti lolaiguanani le  sub- location e Saikeri oji Pilei Nkaru, tenkaraki eji etarasaka olaiguanani tenebo ilopisaani lolturur ooarare  irkeek oitemerisho NACADA, egira aagilunore inaishi torok teina murua e Saikeri.

Ilomon naa kulo oibalunyie orkomishonai e kaunti Orkejuado  David Kipkemei, neut ilaguanak oogilunore sheria nemeas esiai enye aaitobiraki, ejo keyayieki eroruata e sheria.

Show More

Related Articles