Kameme FmKameme Fm News

Thirikari ya kaunti ya Nyandarua kuiguithaniria uguri wa transformer cia thitima niguo kuguna micii iria itakinyiirwo ni thitima

Onathengia ya tabarira cia utambia wa thitima gukorwo ikiramatwo ni thirikari ya kibururi, thirikari ya kaunti ya Nyandarua inyitaniire na mbunge ya kaunti iyo, ni iiguthaniirie hari uguri wa transformer cia thitima itemi-ini ria kuguna muingi wa mwena ucio.

Kuringana na ngavana wa Nyandarua Francis Kimemia augite gicunji kia mirongo 80 hari igana kia muingi wa kaunti iyo, matiri na motungata ma thitima micii-ini yao. Kimemia augite icagi ciothe cia kaunti iyo citigunikite na tabarira cia thitima ya raithi kuuma kuri thirikari nene.

Kimemia aritie uu mweri umwe tu thutha wa mbunge ya kaunti iyo kuhitukia ndereti ya gwitikiria ngavana athondeke kamiti ya urumbuiya wa thitima.

Oho Kimemia nioritie ruhonge rwa irio nyumu NCPB gutambia thuguri ya mbembe kaunti-ini ya Nyandarua mworoto ari kugacirithia thogora wa mbembe mwena ucio thutha wa arimi kwaga kugunika na urimi ucio kwa ihinda iraya.

 

 

 

 

 

Show More

Related Articles

Leave a Reply

Your email address will not be published.