Kameme FmKameme News

Atongoria a kiama kia Jubilee kwagira kiene kwamurwo kwa Miguna Miguna ta munini wa ngavana wa Nairobi

Atongoria a kiama kia Jubilee nomathiite nambere kwagira kiene ikinya ria ngavana wa Nairobi Mike Sonko ria kwamura wakiri Miguna Miguna ta munini wa ngavana. Matongoretio ni mubunge wa Starehe Charles Njagua maugite giti kiu kibatie guthukirwo mundu wa kiama kia Jubilee na oho makauga abatie gukorwo ari mugikuyu ta uria wari wuigwithanio mbere ya githurano kinene.

Gukiri uguo Njagua niaugite nimoritie MCAs a Nairobi a Jubilee makaregana na ritwa ria Miguna ringigakinya mbungeini ya county. Oho niatugiritie ikinya ria ica ikuhi ria thirikari nene kwamura kamiti ya guteithiririria gukinyaniria utungata wa Nairobi.

Hau kabere spika wa mbunge ya Nairobi Beatrice Elachi niekiriire nganja uhoti wa mbunge iyo kuhetukia Miguna riri naguo muingi urutite mawoni ngurani.

Ihinda-ini oro riu mutongoria wa aria aingi mbungeini ya kibururi Aden Duale arauga mangavana othe aria mathurirwo na kiama kia Jubilee nonginyagia makamenyithia mutongoria wa kiama kiu na uria nowe mutongoria wa bururi Uhuru Kenyatta mbere ya kwamura anini ao. Onake miguna kugerera mutambo wa twitter augite arauga ndeto ici na andu akiuga Sonko ndamumenyithitie.

 

Show More

Related Articles