Meru FmMeru fm news

Sonko kwendekithia Miguna Miguna atuika munini wawe

Governor wa County ya Nairobi Mike Mbuvi Sonko nendekithitie wakili Miguna Miguna atuika munini wawe.

Bubu ni nyuma ya Uria waari munini wa Sonko Igathe gucieberia gitine kiu mwisho jwa mweri jwa Njanuary mwaka juju.
Itagaria riri ria Sonko rijite narua ntuku iria Miguna akwirigiiri gucoka aja Kenya no indi atiracooka kumania na kiria gikwirikana atirariirwa ndege na anenkerwa passport ja uria kurabateri.

Riu Miguna agatua ntuku ya gucoka guku Kenya kuuma nthiguru ya Canada naria acokerue nyuma ya thirikari kuuga ti mukenya.

Miguna ni umwe wa baria bacindanagira giti kia Ugovernor Kaunti ya Nairobi.

Show More

Related Articles