Kameme FmKameme Fm News

Muciari umwe gukaira thibitari imwe ya mundu kiumbe thutha wa kurigita mwana wake no handu ha kuhona akiambiriria kubutha

Muciari umwe gukaira thibitari imwe ya mundu kiumbe thutha wa kurigita mwana wake no handu ha kuhona akiambiriria kubutha

Thutha wa Damaris Wanjiru kuuma ituura ria Cuuma Kinangop gukorwo agikaira thibitari imwe ya mundu kiumbe ya Elite Health Clinic tauni-ini ya Engineer imuteithiririe guthondekithia mwana wake, thutha wa mwana ucio guthecwo cindano ya nathutha mwambiririo wa mweri uyu no mwana ucio akigia na thina uria utumite mwiri wake wambiririe kubutha, riu ngavana wa kaunti ya Nyandarua Francis Kimemia niathanite kuhingwo gwa thibitari iyo na mwene guikio ngono.

Kuringana na nyina wa kahii kau Damaris Wanjiru, augite mwana wake anyitirwo ni thina wa kuhingana githuri, no amutwara thibitari iyo agithecwo cindano no ndaigana kuhona na riu akoretwo ena ruo ruingi.

Ngavana Kimemia augite ni undu wikieha kuona ndagitari agithondeka mwana na kumutiga na thina agacoka akarega guteithiriria mwana ucio kwamukira urigitani thibitari nene, akiuga ninginyagia mandagitari a muthemba ta ucio mahitanwo nao. Mwana ucio riu aramukira urigitani thibitari ya JM olkalou.

 

Show More

Related Articles