Meru FmMeru fm news

Antu ba wendi bwega bagwatanire na thirikari gutethia bara batongetwe ni kwomoka kwa Dam ya Patel, Kiraithe kuromba

Mwaria wa thirikari Erick Kiraithe nakweenda antu ba wendi bwega kuwatanira na thirikari keenda gutethia bara baringithirue ni mukasa wa kwomoka kwa Dam ya Patel nteere cia Solai keenda bauumba kwoona utethio bwa utungata bwa ugima bwa mwiri.

Nkuruki augiite kurio muno antu kwanjiiria gutambia nguutu na kumeneria mwene Dam ino akiugaga yakiitwe gukuria urimi na ti kureta thiina ta ino na akiugaga antu ba guuntu guku ibatethekeete aanene kumania na Dam ino.

Amwe noogu augiite ucunkuuni ibwanjiritie kuruthwa akiugaga shughuli ya kwonokia antu nithiite nambere.

Nkuruki napeyaniite wirane bwa thirikari kuibangania gutikaumira untu ta bubu ntugu yiingi kana inya guuntu kuungi na muno muno kumenyeera twaana twa cukuru kagiita gaka mbura ithiite nambere kubura nthi.

Show More

Related Articles