Kameme FmKameme Fm News

Mĩĩrĩ ya andũ 4 a Family ĩmwe arĩa makuire thutha wa gũkunĩkwo nĩ matuĩka ma tĩĩri Mũrang’a gũthikwo

Miiri ya andu 4 a nyumba imwe aria ni muthuri, mutumia wake na ciana ciao igiri aria utuku wa tariki 28/4/2018 makuire thutha wa nyumba ciao gukunikwo nimatuika ma tiiri me toro ituura-ini ria Inoi Kianda gia Ithanwa mwena wa Murarandia Kiharu kaunti-ini ya Murang’a ni irahurukirio muthenya wa ira igongona-ini rirari na kieha na kigiriko kinene.

Miiri ya atigairi acio irahurukirio irima-ini rimwe, guku munini wa county commissioner uria urugamiriire division ya Murarandia Patrick Wasonga Achindo akiuria muingi uria uraikara kundu kwi ugwati-ini wa kugumirwo ni mathina kana mogwati maingi guthama.

Nake mumbunge wa Kiharu Ndindi Nyoro agikaira thirikari kuhura njeki ambunge aria icigo ciao igumiirwo ni uthukangia wa indo ta kumomoka kwa irathi macukuru-ini na kurikira gwa cioro, mabarabara na na mathibitari akiuga kigina kiria magayagirwo ni thirikari gutangira mathina ta macio ni kinini na ni kirikitie kuhuthika maundu-ini macio.

Show More

Related Articles