Meru FmMeru fm news

Simon Mbugua na baangi 4 gukinyithua kortini  bakiringithanagua na kuithukirwa kwa mukariri giti  wa NCBDA

Mubunge wa gicigo kia East African Legislative Assembly EALA Simon Mbugua na antu baangi bana ibakinyithitue kortini aaja Nairobi bakiringithanagua na kuithukirwa kwa mukariri giti  wa Nairobi Central Business District Association niwe Timothy Muriuki.

Mbugua athitangitwe amwe na  Antony Otieno Ombok Alias Jamal, na Benjamin Odhiambo Alias Odhis baria ibareganiite na nthitango iu.Bathatu baba barungamiiri ni mawakili Nelson Havi,Cliff Ombeta, na Harun Ndubi naaria bakinyitue mbere ya mugambithania Martha Mutuko.

Bathitangitwe na waamba bwa gutumira inya naara ikuirikana ibaguraririe Muriuki na bamuiyira ciringi ngiri 100.

Baria baithukirire Muriuki baugire gakuthukia riitwa ria Ngavana wa Nairobi Mike Sonko untu buria Sonko aciebanititie nabu.

Show More

Related Articles