Mediamax Network Limited

CJ Maraga gutugiria unyitaniri wa President Kenyatta na Raila hari kurehe urumwe bururi-ini

Mucirithania munene David Maraga niatugiritie unyitaniri gatagati ka mutongoria wa bururi Uhuru Kenyatta na mutongoria wa Nasa Raila Odinga akiuga ni ukurehe urumwe bururi-ini.
Akiaria igongona-ini ria gucangithia mbeca cia  gwaka kanitha mwena wa Mosop kaunti-ini ya Nandi, Maraga niaugite ni maundu maingi mangihitana bururi ungikorwo utari na thayu, na uguo mihang’o yothe ya kugaciria thayu na urumwe wa kibururi ni ibatii kunyitwo mbaru ni atongoria a ikiro ciothe.
Akiaria igongona-ini riu ngavana wa kaunti iyo ya Nandi Stephen Sang nioritie Maraga kuhingura magoti maingi ma gutuithania maciira ma migunda bururi-ini, akiuga aikari a Nandi ni amwe a aria mathiyaga kuraya maciira-ini ta macio.