Kameme FmKameme Fm News

Thirikari kwanirira nyongerera ya micara

Thirikari niyaniriire nyongerera ya micara na gicunji gia ithano hari igana.

Minister wa labour Ukur Yattani uria uthomire ndumiriri ya mutongoria wa bururi Uhuru Kenyatta hindi ya igongona ria Labour Day augire thirikari ni igutigirira kambuni niciathingatithia nyongerera iyo.

Mwaka muhetuku thirikari niyongeriire micara na gicunji gia ikumi na inyanya hari igana ona gutuika kambuni nyingi itiarumiriire nyongerera iyo.

Nacio ciigie migomo ya aruti wira iria ikoretwo igithii nambere, Yattani niaugire thirikari ni iruguritie mutaratara mweru wa kunina ngucanio icio cia kiwira akiuga kwa ihinda ria mwaka umwe makiria ma ciringi mirioni igana rimwe nicioriire thi kurumirira migomo iyo.

Oho minister niaugire kamiti ya mwanya ni iruguritio ya kumurika mieke ya mawira guku oro hamwe na nja wa bururi.

Mwena-ini wake mwandiki munene wa ngwataniro ya ciama cia aruti wira COTU Francis Atwoli niakumithirie kambuni iria itakoretwo igithingatithia nyongerera ya micara.

Atwoli nioire mweke ucio kuhe mukaana mutongoria wa aria aingi bunge-ini Aden Duale iguru rigii igeria ria gutabania mogaruruku mawotho-ini megii uruti wira guku bururi-ini.

 

 

Show More

Related Articles