Kameme FmKameme Fm News

First Lady Margaret kuuga bururi niubatie kuhitana na mirimu ya ngoro

First Lady Margaret Kenyatta augite bururi niubatie kuigithia makiria itemi-ini ria guthuthuria na kuhitana na mirimu itiganite ya ngoro.

Akiaria akihingura kigomano gia thiku igiri gia kumurika njira cia kuhitana na mirimu ya ngoro gitaru-ini kia Africa, First Lady augite ikuu nyingi cionekanaga amu andu matiui uria mangihota gwithema kugumirwo ni mirimu iyo riri nao arwaru maagaga umenyo wa uria mangihota gwitiria kuhatiririka makiria.

Oho First Lady niacokeirie thirikari ngatho niundu wa kugeria kuhitana na mirimu ya ngoro no ningi agacakaya akiuga mbeu njithi o nao nimakoretwo makigumirwo ni mirimu imwe ya ngoro iria icungagiririo ni kwaga kuhimbiria mirire na miikarire miega.

Mwena-ini wake mutabariri wa mibango ministry-ini ya ugima wa mwiri Dagitari Rashid Aman augite ministry iyo iri mutaratara-ini wa kugacirithia motungata mao kuri muingi niguo kumurika mabataro ma aria magumiirwo ni mirimu iria ihutagia ngoro.

 

 

Show More

Related Articles