Kameme FmKameme Fm News

Namba ya andu matoikaine gukunikwo ni matuika ma tiiri Murang’a

Namba ya andu matoikaine gukunikwo ni matuika ma tiiri Murang'a

Namba ya andu matoikaine nimakunikirwo ni matuika ma tiiri matuura-ini matiganite icigo-ini cia umbunge cia Kiharu na Mathioya kaunti-ini ya Murang’a, mitino iria icungiriirio ni mbura nene iria iraire igithandana utuku wa gukiroka gukia.
Hamwe na kuria kuhutirio ni mutino ucio ni ituura-ini ria Inoi kuria micii itatu ikuuirwo ni tiiri na andu ana nimarekuo gute mioyo yao.
Agikira uhoro ucio mukonde ni munini wa cibu wa ituura ria Kahati David Njuguna arauga hamwe na acio makuire ni muthuri umwe, mutumia wake na ciana ciao 2.
Kurumirira mutino uyu aikari a mwena ucio nimathingatite thirikari nene oro hamwe na thirikari ya kaunti ya Murang’a ihiike kumateithia makiuga amwe ao maraikara na hahu ya kugumirwo ni matuika ma tiiri.
Nakuo mwena wa Kiharu micii iigana una ni ikuuirwo ni maai ma ruui rwa Mathioya ruria ruiyurite mbui.
Nakuo mwena wa Mathioya mutino ucio uhanikire hakuhi na cukuru wa airitu wa Gitugi girls kuria namba ya andu matoikaine makunikirwo ni matuika me hamwe na ng’ombe ciao.
Mumbunge wa Mathioya Peter Kimari niathingatite aikari a mwena ucio aria mari ugwati-ini wa kugumirwo ni matuika ma tiri metikire guthamira miena ingi mworoto-ini wa guthaitira mioyo yao.
Show More

Related Articles