Mayian FmMayian Fm News

Etigilunore Ole Masikonde orrekie ogirai aasotunye kodi Tolpusimoru

Etigilunore MCA liopa le Ward Olpusimoru naa olarikoni opa loolkumok te bunge e kaunti e Narok Letulal Ole Masikonde, olkerreti oiterutua embata oltung’anak ogirai aasishore teina Ward, emitiki ilopisaani le serkali ekaunti e Narok esotu iropiyiani e kodi naishia nesotuni peetumokini ataasakinyie iltung’anak maendeleo toomurua e kaunti o serkali kitok ele osho le Kenya.

Ejing’ita naa ewiki e 3 egira iltung’anak otanapate amitiki ilopisaani le serkali esotu nena ropiyiani neikilikwana naa Ole Masikonde serkali e kaunti peeyayieki lelo tung’anak eroruata e sheria naishia.

Etuuta sii Ole Masikonde, iltung’anak oolimu ajo ninche ogira aarumu iltung’anak petaasa nena baa, ejo meishia nejing’aki iltung’anak Lolpusimoru aamitiki serkali eitabaya ramatare e maendeleo.

Show More

Related Articles