Kameme FmKameme Fm News

Mutumia umwe wa ndigwa kuragwo na njira ya kurengwo mutwe Ol Kalou

Kuratindire kieha na ihoru ituraini ria Munyeki mwena wa Olkalou thutha wa mutumia umwe wa ndigwa uria uraikaraga kwa mamawe kuragwo na njira ya unyamu ni mwanake marari ndugu ya kiwendo uria nake ucokire gwicuria gukiroka gukia umuthi.

Kuringana na uhoro wikiritwo mukonde ni OCPD Wilson Kosgey mutumia ucio uria ni nyina wa ciana igiri oragitwo na njira ya kurengwo mutwe hamwe na guthecangwo mwiri na kahiu na mwiri wake ugatigwo uhumbiritwo ni mwendwa ucio wake niguo ciana itikamenye nyina ni murage.

Mbere ya kwirutira muoyo itura-ini ria Silanga o kuu Olkalou mundurume ucio aratigite andika marua akiumbura niaroragire mwendwa wake na akaheyana namba ya andu a mutumia ucio aria mataramenyete nioragitwo.

Show More

Related Articles