Kameme FmKameme Fm News

Uhaguku wa ugitiri gukuruhanio na kwongerereka kwa andu ageni

Uhaguku wa ugitiri gukuruhanio na kwongerereka kwa andu ageni

Kurumirira uhaguku wa ugitiri uria ukoretwo ukionekana ituura-ini ria Munyeki Olkalou wa wiici wa mahiu, wa transfomer cia thitima hamwe na micii ya andu gutharikirwo ni ekinai methaite na micinga, muingi wa ituura riu urakuruhania uhaguku ucio wa ugitiri na kwongerereka kwa andu ageni ituura-ini riu.
Makiaria hindi ya mucemanio wa muingi aikari a ituura riri maugite kuona ituura riu rikuhaniriirie na kware cia kwenja mahiga, nigukoretwo na andu aingi ageni na ciiko cia wikinai ikongerereka.
Oho Muingi wa ituura riu ukauga ni undu wikieha kuona riria maratabanagia mucemanio wa thayu maaobithaa a ugitiri matinekinyia mucemanio-ini ucio, onagutwika Chief wa Location ya Olkalou Kiarie Mwaniki augite borithi nimakoretwo makimateithiriria kuhurana na uhaguku wa ugitiri.
Mwena-ini wake OCPD wa Nyandarua ya gatagati Wilson Kosgey augite ndaramenyithitio uhoro wa mucemanio ucio na akoria muingi kunyitanira na honge cia ugitiri.
Show More

Related Articles