Kameme FmKameme Fm News

Munini wa President William Ruto kwagira kiene riendekithia ria gucenjia gatiba

Akenya marenda gutungatirwo ni atongoria athure mahinda-ini maya na matirenda gucokio ihinda-ini ria kambi-ini cia ithurano nene ona kana cia kura ya mawoni.

Uhoro uyu uheyanitwo ni munini wa mutongoria wa bururi William Ruto ari kanitha-ini wa PCEA Tabuga gicigo-ini kia umbunge kia Bahati kaunti-ini ya Naikuru.

Ruto niathiite nambere kwagira kiene riendekithia ria gucenjia gatiba na mworoto wa kuguna atongoria matiganite.

Ihinda-ini oro riu niakinyiriirie kuuga thirikari ina mworoto wa kumurika tabarira ciothe cia uthii wa nambere iria yereire muingi hindi ya kambi-ini cia ithurano.

Miario yake ni inyitirwo mbaru ni atongoria matiganite ari hamwe na seneta wa kaunti iyo ya Naikuru Susan Kihika, uria ningi wendekithirie mogaruruku matabanio kamiti-ini ya ithurano na mihaka IEBC, niguo akenya magie na mwihoko na kamiti iyo.

 

 

Show More

Related Articles