Kameme FmKameme Fm News

Ngavana Joseph Ole Lenku kuuga niekuruta wira niguo Kajiado ikorwo kigerekanio kiega kuri kaunti iria ingi

Ngavana Joseph Ole Lenku kuuga niekuruta wira niguo Kajiado ikorwo kigerekanio kiega kuri kaunti iria ingi

Ngavana wa kaunti ya Kajiado Joseph Ole Lenku nieriire aikari a kaunti iyo kumarutira wira niguo kaunti iyo ituike kigerekanio kiega kuri kaunti iria ingi. Lenku augite nimarari mucemanio-ini na minister wa barabara James Macharia na maraiguithania kwambiririia waki wa barabara itiganite kaunti-ini ino.
Gukiri uguo nioritie aikari a kaunti ino kunyitanira na maaobitha a thirikari yake na mamataririe mathiina mao niguo ahote kumatangikira na njira igwete. Imwe cia barabara iria ciikiriirwo makiria ni ya Gataka na guthondekwo gwa barabara 2 kuuma Bomas guthii Rongai, gutuikania Kiserian na Ngong’.
Ngavana ole Lenku aritie uu hindi ya iceera ria gucemania na muingi haria arambiriirie Ongata Rongai, aratuikania Kiserian na kurikiriria Ngong’.
Show More

Related Articles