Meru FmMeru fm news

Rais Uhuru Kenyatta kwathana kuandikithua kwa aritwa ba secondary kuecana card cia NHIF

Rais Uhuru Kenyatta nathanite kuandikithua bwaimbia kwa aritwa bonthe ba Secondary mbere ya kurugurua kwa mubango wa kwejana card cia NHIF.

Akiaria garuuni ya Rais aga mujiini wa Nairobi Rais Kenyatta augite kwithiritwe kwina aritwa batareo kana ghost bara baandikithutue kenda antu bakai bagunika na mautungata mamu na auka akiathana mitugo inu itiganwe neo.

Nacokete atha ministry ya kithomo na ugima bwa mwiri kurutaniria ngugi amwe kenda gutigira mubango huyu ukuguna aritwa bacoka cukuru term tuthite.

Kagitani wagaku augite thirikari yake nirutaniritie kweyana guntu gukuwega wa kuthomera kiri aritwa bonthe aga nthiguruni.

Ruterene rwake minister wa kithomo Mbalosi Amina Mohammed augite cukuru cionthe ikaandika atungati ba ugima bwa mwiri kenda gutetheria kiri mubango huyu.

 

Show More

Related Articles

Leave a Reply

Your email address will not be published.