KTVmohoro

Ngavana wa Nyeri Mutahi Kahiga kwamura Caroline Karugu ta munini wake

Ngavana wa Nyeri Mutahi Kahiga ni amurite Caroline Karugu ta munini wake thutha wake gukorwo atari na munini kuuma aiyukia giturwa kia ungavana wa Nyeri kurumirira gikuu kia Wahome Gakuru tareki 7 mwaka muhituku.

Kahiga ni arikitie kuneyana ritwa ria Karugu kuri mbunge niguo guthurimwo na kuhitukio.

Karugu ni muikariri giti wa kamiti ya kambuni ya mahinya na iria yuikaine ta Geothermal Development Company, giturwa kiria aiyukirie thutha wake kwamurwo ta mumemba wa kamiti iyo ni mutongoria wa bururi Uhuru Kenyatta mwaka wa 2015.

Karugu akoretwo thi-ini wa mawira matiganite ma githirikari makiria ma miaka 12 na athomeire thukuru wa utari wa mathabu bururi-ini wa Germany na university ya Leicester (UK).

Kwa ihinda riri Karugu niwe murugamiriri wa kambuni ya Jabali Microserve Limited.

Kwamurwo gwa Karugu  gukite thutha wa igoti inene gwatha mangavana aria matari na anini ao makorwo magithura arugamiriri ao ihinda-ini ria thuku 60.

Kaunti ya Nairobi niyo itigarite riu thutha wa Polycarp Igathe kwiyeheria ta munini wa ngavana Mike Sonko thutha wao kugia na thogothogo cia utongoria wa kaunti ya Nairobi

 

 

 

Show More

Related Articles