Kameme FmKameme Fm News

Magana ma cindano huthire cia gutheca arwaru kuhithukio itetwo mukira-ini wa barabara Murang’a

Magana ma cindano huthire cia gutheca arwaru ni irahithukirio itetwo mukira-ini wa barabara hakuhi na kirabu kimwe gia kwendia njohi tauni-ini ya Murang’a kuuria ndeto iracokire kumbuka ati iratetwo kuuma thibitari-ini imwe ya mundu kiumbe iria i tauni-ini ya Murang’a.

Muingi ni urakumithirie giiko kiu na njira nene na hamwe na indo ingi irateaniirio na cindano icio ni kandi iria arwaru marigititwo nacio thibitari-ini iyo na rekondi cia mbeca cia mathiri ma utungata wa urigiti uria mahetwo.

Muingi ugitumira namba ya thimu iria irari kandi-ini icio, ni urahuriire thimu murigitani umwe wa thibitari iyo uria urekinyirie na gwikira uira ati cindano icio iraumite thibitari-ini iyo guku agikuruhania giko kiu na muruti umwe wa wira thibitari iyo urabutitwo wira.

Thutha ucio ni ararogotire cindano icio na kucitwara thibitari-ini nene ya Murang’a kuuria augite ati nikuo matwaraga giko gia thibitari iyo gucinwo.

Mumbunge wa Kiharu Ndindi Nyoro ni arekinyirie na onake arakumithia giiko kiu na kuuria thibitari gute giko na njira iria yagiriire.

Show More

Related Articles