Kameme FmKameme Fm News

Thirikari gutetera ikinya ria gwita Raila kigomano-ini kigie utamburukia wa maahinya

Thirikari ni iteteire ikinya riayo ria gwita mutongoria wa NASA Raila Odinga kwariria kigomano kigie utamburukia wa mahinya kiria gikambiriria ciumia ithatu ciukite. Minister wa utamburukia wa maahinya Eugene Wamalwa, augite ikinya riri rirongoreirie kumatia ndugu makiria hari gukindira ngirimiti ya wuigwithanio gatagati ka mutongoria wa bururi Uhuru Kenyatta na Raila, akiuga Raila aari na itemi inene hari kugia na gatiba njeru.

Uuge ucio ukahurwo njeki ni mutongoria wa aria aingi mbunge-ini ya senate Kipchumba Murkomen na mutongoria wa aria anini James Orengo, makiuga utamburukia wa mahinya niukugunika kumana na unyitaniri ucio. Mekwaragia kihinguro-ini gia kigomano kia maseneta mwena wa Naikuru.

Mwena-ini wake spika wa mbunge ya senate Ken Lusaka niaugite kigomano kiu nigiguteithia maseneta kunyabara uhuthiri wa kigina thiini wa counties wega makiria.

Show More

Related Articles