Kameme FmKameme Fm News

Muthuri wa miaka 79 gukua thutha wa kugwa irima-ini ria uriku wa mita 10 Murang’a

Muthuri wa miaka 79 kuuma itura ria Maragi kurigania na tauni ya Murang’a ni arakuire ithaa-ini ria thaa ithatu cia muthenya thutha wa kugwa irima-ini ria uriku ta wa mita 10 riria ri thutha wa nyumba iikaragwo ni akombori na iri hakuhe na wabici cia Kenya Power thutha wa igoti ria Muranga.

Ehitukiri maraguciriirio ni mukwanju wake uria urari kihururuka-ini kia irima riu na niguo macuthiriria maronire mwiri wake.

Mwiri wake urarutirwo ni maabithaa a kuhoria mwaki a thirikari ya kaunti ya Murang’a magitumira ngathi na ndeto ya kieha igakorwo ati irima-ini riu niho arume 3 makuiriire mweri-ini wa January mwaka uyu thutha wa gukunikwo ni tiri makienja muthingi wa ruthingo rwa guthiururukiria nyumba iyo na irima riu ritigana guthikwo.

Muriu wake James Gitau augite ati maratiganite na ithe ndagika nini hituku akimwira ati athii kuriha mbiru ya thitima, guku akiuga ati mwene nyumba iyo abatii guthitangwo niundu wa kwaga wuigiririki.

Show More

Related Articles