Kameme FmKameme Fm News

Makiria ma mbeu njithi 300 kuuma Masaku Ruiru kugunika na indo cia kuruta wira kuuma kuri mumbunge Simon King’ara

Makiria ma mbeu njithi 300 kuuma ituura ria Masaku wardi-ini ya Biashara gicigo-ini kia Ruiru, nimagunikite na indo itiganite cia kwambiriria kuruta mawira ngurani.
Uteithio uyu wa indo ta makobokobo,iciko cia tiiri, matonyo ma kwihumba hindi ya wira hamwe na ingi, utanahitwo ni gikundi gia Simon Ng’ang’a King’ara kiria gitongoragio ni mumbunge wa Ruiru.
King’ara augite riria mbeu njithi manyitwo guoko na monio mawira ma kuruta nimeyeheragia ciiko-ini cia wiiki nai na kwagagia thayu wa muingi. Mbeu njithi acio mekwambia wira wa gutheria matuura matiganite.
Mbeu njithi aya nimacoketie ngatho na makeranira gwikirira kio wira-ini wao, na aria marogometie mitugo makeranira kugarurira.
Show More

Related Articles