Kameme FmKameme Fm News

DP William Ruto kuheyana ciringi mirioni 53 kuri famiri iria mahiu maao maiyukirio na makiendio ni thirikari ya Tanzania

Munini wa mutongoria wa bururi William Ruto niaheanite ceki ya muigana wa ciringi mirioni 53, kuri famiri 22 iria mahiu maao maiyukirio na makiendio ni thirikari ya Tanzania.
Ruto augite thirikari niyeraniire kurumbuiyia ariithia acio a mahiu, thutha wa kugia na mooritu makiaririria ndeto iyo na thirikari ya Tanzania.
Ruuru runene rwa mahiu rwaiyukirio ni borithi a Tanzania, thutha wa ariithi gukira mihaka na kuingira kuriithia bururi-ini ucio matari na ruutha.
Oho ningi Ruto niaugite makiria ma ciana 100,000 citiri ciatwarwo thukuru ni aciari aao, akimurika muno nduriri iria ciriithagia mahiu, kuuria oririe aciari matigirire nimatwara ciana ciao thukuru, niguo gukinyaniria kihooto giacio.
Nake ngavana wa Kajiado Joseph Ole Lenku niagathiriirie thirikari nene niundu wa kunyitanira na thirikari ya kaunti kurumbuiyia ariithia a mahiu, hindi ya riua, makiria hari uhandi wa nyeki.
Show More

Related Articles