Kameme FmKameme Fm News

Atongoria kuuma Ikamba-ini gukindira Kalonzo Musyoka ta murirukia wa bendera ya upresident mwaka-ini wa 2022

Atongoria a kuuma Ikamba-ini nimakindirite mutongoria wa Wiper Stephen Kalonzo Musyoka gutuika murirukia wa bendera ya upresident mwaka-ini wa 2022.
Akiaria hindi mucemanio-ini wa atongoria a Ikamba-ini mwena wa Matungulu, Kalonzo niahithuritie ati atongoria acio nimarehariria guthondeka kiama kimwe kiretwo One Kenya Movement, OKM, mbere ya 2022.
Itua ria Kalonzo riukite thutha wa Raila Odinga kwonekana aamukite ngwataniro ya Nasa, nao Musalia Mudavadi na Moses Wetangula, kwihariria guthondeka kiama kimwe kia andu a Western, Kalonzo akiuga ndaracoka thutha na niegwetha utaaro kuuma kuri atongoria a tene a bururi.
Atongoria a Ikamba-ini nimooritie Kalonzo atamburuke kuri atongoria aria angi, anyitanire nao niguo eharirie kuiyukia utongoria wa bururi, 2022.  
Show More

Related Articles