Kameme FmKameme Fm News

Miguna Miguna gukoma theero kiharo-ini kia ndege kia JKIA muthenya wa 2

Ona thengia wa igoti inene guku Nairobi, kuruta watho mutongoria wa gikundi gikiriIre mukaana kia NRM arekererio, Miguna Miguna araire akigugunwo ni heho thero kiharo-ini kia ndege kia JKIA muthenya wa 2 kirumaniriirio.
Mucirithania wa igoti riu Roselyn Aburili ningi ni araathire Miguna gwikinyia igoti-ini umuthi 9:00pm rucii-ini. Miguna, kuhitukira mawakiri ake, niwe urathiite igoti-ini akienda etikirio gucooka na guikara bururi-ini.
Mawakiri James Orengo na Otiende Amollo marenda igoti rirugamie itanya ria thirikari ria kwenda kuhamurithia Miguna.
Igeria ria kunengera maobithaa a ruhonge rwa uthami maratathi ma watho wa igoti, niriraringire ihiga, ona gutuika Orengo na Amollo nimarabandikire maratathi macio ma igoti, ruthingo-ini rwa wabici cia uthami, kiharo-ini kia ndege kia JKIA.
Show More

Related Articles