Igoti inene gwathana kurekererio kwa Miguna Miguna kuuma theero ya JKIA

Igoti inene niriathana kurekererio kwa naihenya kwa Miguna Miguna kuuma kihaaro-ini kia ndege kia JKIA.

Mucirithania wa igoti riu Roselyn Aburili ningi niatha Miguna agekinyia igoti-ini muthenya wa ruciu.

Miguna, kuhitukira mawakili aake, niwe uguthiite igoti-ini akienda etikirio gucooka na guikara bururi-ini.

Mawakili ake Nelson Havi na John Khaminwa marenda igoti rirugamie itanya ria thirikari ria kwenda kuhamurithia Miguna.

Miguna ararire theero ya JKIA thuutha wa gututhura gicanjama riria araregire kuingira ndege-ini.