Kameme FmKameme Fm News

Miguna Miguna kugeria kuhamurithio kuuma kiharo kia ndege kia JKIA

Nikuuma na gicanjama kiharo-ini kia ndege kia Jomo Kenyatta utuku wa gukia umuthi, riria mutongoria wa gikundi gikirire mukaana kia NRM Miguna Miguna ekugeragia kuhamurithio kuuma kiharo-ini kiu na gutwarwo bururi-ini wa Dubai.
Miguna ni atitimuranire na maobithaa a borithi na arega kuingira ndege-ini iyo ya Emirates kuuria ahuririo ni maobitha a ugitiri. Miguna ekugaga mbu anyitite murango wa ndege akiregaga kuingira.
Hindi ya gicanjama kiu mutongoria wa kiama kia ODM Raila Odinga niarekinyitie kiharo-ini kiu mari na arumiriri angi a kiama kia ODM onagutuika ndanauga undu otiga kwirorera.
Mwonjoria Jimmy Wanjigi onake niatuthurire gicanjama agithingiriria maobithaa a borithi mamuikie ngono na mamuturanire na Miguna Miguna. 
Miguna ni aratetire akiuga kihoto giake nikirahotomio.
Miguna arakinyite guku bururi-ini thaa 2:30PM no aramba kuhingiririo kiharo-ini kia ndege kia Jomo Kenyatta, thutha wa kung’athia kuneana passport yake ya bururi wa Canada.
Show More

Related Articles

Leave a Reply

Your email address will not be published.