Kameme FmKameme Fm News

Moses Wetangula kuhagurwo ta mutongoria wa aria anini mbunge-ini ya senate

Senator wa kaunti ya Bungoma Moses Wetangula niahagurwo ta mutongoria wa aria anini bunge-ini ya senate. Uu ni thutha wa ma seneta a kiama kia ODM kiria gikoragwo na maseneta maingi ngwataniro-ini ya NASA kwendekithia umwe wao niwe James Orengo aiyukie giturwa kiu kuumana na wuingi wao.
Mubango wa kuhamurithia Wetangula wanyitire thing’a thutha wa mutongoria wa ngwataniro ya NASA Raila Odinga kuunanira njugwa na mutongoria wa bururi Uhuru Kenyatta. Mwena-ini wake mumbunge wa Kiminini uria uthuritwo na kiama kia Ford Kenya Chris Wamalwa arauga angikorwo undu ucio niugukinyanira niukurehe njatukano ngwataniro-ini ya NASA.
Ona kuhana oro uguo murugamiriri munene wa kiama kia ODM Norman Magaya niandikiire maruwa spika wa bunge iyo agikinyiriria kuuga ati ta ngwataniro ya NASA Wetangula nowe mutongoria wa aria anini bunge-ini iyo. Ihinda-ini oro riu muhuri mucarira bunge-ini iyo uria nowe seneta wa kaunti ya Makueni Mutula Kilonzo Junior ndanacenjio.
Show More

Related Articles