Kameme FmKameme Fm News

Mundurume umwe gukinyio igoti-ini agikuirwo kuuraga mutumia wake na guikia mwiri wake irima ria kioro, Murang’a

Mundurume umwe kuuma ituura ria Maragi, Murang’a ni akinyitio igoti-ini ria Murang’a agikuirwo kuuraga mutumia wake na gucoka guikia mwiri wake kioro kwao mucii kiria acokire akimomora na agigithika na tiiri atanacoka kuhanda irigu irima-ini riu.

Stephen Ndogoto Mwangi uria ni mutwarithia wa boda boda na uikaine na ritwa ringi Julius Macharia Mwangi, erikanaga gutabania giko kiu mwaka-ini wa 2016 muthenya uria mari maunanire njung’wa giikaro-ini gitathire nambere na kiari gitabanio ni cibu wa location ya Maragi niguo matigane thutha wa kihiko kiao na Christine Ruguru wa miaka 25 gukobobana kumana na ngucanio itathiraga.

Aciari ake Cyrus Karanja Maina na Damaris Wanjiku Maguite ati mwari wao ni akoretwo atuma ndugu na mundurume ungi kuuma mwena wa Mugoiri o kuu Kiharu.

Kwirikanaga Mwangi  ni arumiriire mutumia wake ti  Ruguru na uria makoretwo matanahiirwo na ciana 3, nginya kwao mucii ituura-ini ria Gathitha ethaite na banga na ria muico niwe monirwo nake akiinuka erekeire Mugoiri kwa mundurume ucio ungi mari ndugu.

Mucirithania Anthony Mwicigi ni aretikirire ihoya ria mwena wa thitango ati mwikuirwo ucio ahingirwo thero ceceni-ini ya borithi ya Murang’a kwa ihinda ria thiku 15 niguo kuhotithia borithi kurikia gwika uthuthuria, o hamwe na ati mwiri ucio uthikurio.

 

 

Show More

Related Articles