Kameme FmKameme Fm News

President Uhuru na Raila Odinga kuiguithaniria kunyitithania akenya

Ndugamano iria ikoretwo bururini gatagatiini ga thirikari na mung’ethaniro niyakinya muthia umuthi, thutha wa mutongoria wa bururi Uhuru Kenyatta na mutongoria wa mung’ethaniro Raila Odinga kunanira njung’wa. President Uhuru augire matacukitie ikinya ria guka hamwe niguo kuhonokia bururi uyu kumana na njatukano na rumena iria ikoretwo bururini kwa ihinda. Gukiri uguo riu President nioritie muingi wa bururi na atongoria kumanyita mbaru niguo gukinyaniria kiroto gia Kenya imwe.

Uhuru ningi niaugire ithurano itibatii kugayukania muingi wa bururi ta uria gukoretwo gukihanika guku bururi-ini indi akauga ithurano ibatie kurehe andu hamwe.

Mwena-ini wake Raila Odinga augire ona gutuika bururi niukoretwo ugumiirwo ni mathina maingi ihinda ni ikinyu ria atongoria guka hamwe na kwaraniria niguo gwetha kihonia kia mathina macio.

Atongoria acio eri ningi nimamurite ambasador Martin Kimani na wakiri wa Raila Paul Mwangi gutongoria kamiti ya mwanya ya kunyitithania muingi wa bururi.

Show More

Related Articles