Kameme FmKameme Fm News

Murutani wa dini ya giithiramu gukinyio igoti-ini na ihitia ria kunyita kiahinya mwana wa miaka 15

Murutani wa githomo gia kidini ya giithiramu niakinyirio igoti-ini ria Naikuru na mahitia ma kunyita kiahinya  mwana wa miaka 15  mwena wa Nairobi.
Sheikh Mustafa Murtadha mbere wa mucirithania  Joe Omido,  athitangirwo ati mweri-ini wa mugwanja mwaka-ini wa 2012 mucii-ini gwake Westlands Nairobi, nianyitire mwana ucio kiahinya thitango iria areganire nayo. 
Oho ni athitangirwo kuumana na  kunyita ciiga cia thiri cia mwana ucio mugaru na watho.
Mwena wa thitango ni utariirie ati mwikuirwo arari riuriro-ini na araikirio ngono mwena wa Mombasa ee thabari-ini ya guthii bururi wa Lebanon. Nimongereire ati  Sheikh uria ni raiya wa bururi wa Lebanon, athire riurino-ini thutha wa murunawe guikio ngono na thitango ya kuiya ciana na kubundithia ciana  maundu ma urathoni no thutha-ini akirekererio niundu wa igoti kwaga wiira muiganu.
Mwana ucio anyitirwo kiahinya thutha wa kuhenio ahoe aciari ake rutha kuona ati endaga kumurihira mathomo make kuria aciari metikirire. Igoti nirimuheire bodi ya ngiri magana manana kana mbeca baribari ngiri magana matatu.
Oho mwikuirwo nioririo  gutiga passport yake igoti-ini kuria ciira ucio ugathikiririo tareki 28 mweri-ini wa gatano.
Show More

Related Articles

Leave a Reply

Your email address will not be published.