EMOOLOGOIYWEK

ELDORET: Kakowirta kapkirwok neo eng Eldoret kabelisietab MP Nebo Nandi Hills Alfred Keter

Kanyor birutyet Mp nebo Nandi Hills Alfred Keter yekankowirta kapkirwok neo nebo Eldoret kabelisyenyin.

Kamwa kirwogindetab kapkirwok inoton George Kimondo kole kosubgei ak baornatet nekiigoito Benard Kitur ko kayamak kapkirwok kole kimiten yautik chechang chebo ngolset eng lewenishonoton akongat kibagengeitab lewenishet IEBC kotet lewenishet nelel.

Ak kongolole kokaibataita tilanoton bo kapkirwok komwa Keter kole kabit tilanoton bo kewirta lewenenyin kosubgei ak kakwoutikyik chebo boryet netokyin nametab osoya eng serikali.

 

Eng kimosta age ko kawirta kora kapkirwok neo kabelisyetab Mp nebo Gatundu murot katam Wanjiku Kibe eng mwaet kole makiyai lewenishonoton eng oretab katyaknatet ak imanit.

Kangat kapkirwok inoton kibagengeitab lewenishet IEBC koliban Kibe shillingishek million  3 ak neki Mp nebo kebeberaton nekiibe kirwoget million 1.5.

Show More

Related Articles

Check Also

Close