Kameme FmKameme Fm News

Mwanake umwe uikaraga atari higo kuhoya uteithio

Itura-ini ria Ngoigwa Thika,ni kuo mucii gwa Paul Kinuthia Ngugi uria uikane na ritwa ringi ta mundu wa ciama kuona ati muturire wake aturagio ni ciama kumana na ndwari iria yamugumiire na gutigirira higo ciake cieri ni ciarutwo ta uria aratariria.

Thutha wa kurutwo higo,muturire wake ni ukoretwo ukigumirwo ni mathina maingi ta marihi ma thibitari maria matumite endie indo ciake ni gukorwo no nginya athambio thakame maita 3 o hari wiki o undu umwe na kugura ndawa. Igutha inene  riria rimuhinyagiriria muno ni gukorwo ndanginyua kindu ogiothe nginyagia maai maria no anyuire ngirathi kuota muthenya uria arathie guthambio thakame.

Thengia ya uguo, irio ciake iria etikiritio kuuria ni ngima,mucere,spaghetti na cabeci,nyeni kana mboga  iria no ciambire kurindwo maai-ini kwa ihinda ria mathaa 6 mbere ya kuruga. Ndwari ino ni irehete uhotomu wira-ini wake tondu maita maingi  ni maria akoragwo thibitari.

Ngigi ndari orwo ni mwihoko muturire-ini akiuga andu a nyumba yake na arata ni makoretwo mari uteithio munene muno  na matiri mamuhe gitumi gia gwicokia. Oho, agakorwo ni onete andu 9 merutiire kumuhe higo no thutha wa uthuthuria, igatuika itingitikirika mwiri-ini wake.

Akiariria andu aria magumiirwo ni ndwari itiganite,Ngugi ni oritie andu acio kwiitikira na gwathikira watho wa ndagitari na iguru wa mothe kwihokera Ngai muturire wao.

Akiihoya kuri andu awendi mwega  kumuteithiriria na mbeca cia gwikirwo higo ingi kuonekana  mundu ungimuhe higo igwitikirika mwiri-ini wake.

Show More

Related Articles