Kameme FmKameme Fm News

Mundurume umwe kuuragwo kurumirira ngucanio ya ciringi 100

Mundurume umwe wa ukuru wa miaka 40 kuuma gicagi kia Ndashata Kapcholola mwena wa Elburgon, ni aroragirwo ni mundurume ungi wa ukuru wa miaka 20 kurumirira ngucanio ya ciringi 100.
Kuratuika mwikuirwo ucio uria urethaite na matharaita matiganite arahithukiire muthuri ucio na aramutihia uuru muno mutwe na macungiriro arakua hau hau.
Agikiira uhoro ucio mukonde cibu wa mwena ucio Kenneth Rotich augite ucio uroragirwo niwe urari na thiri wa ciringi 100 na kwaiya gukorwo aroragirwo thutha wa kwaga kuriha thiri ucio. Oho ni augite mwikuirwo ucio ni arahotire gwithara thutha wa gutabania ngero iyo ona gutuika ni arethanwo nake ni maabitha a borithi. 
Mwiri wa Jackson Chemosi uratwarirwo mocari-ini ya Elburgon utanyitwo guthinjwo mutwe ni guo urutwo migwi.
Show More

Related Articles