Kameme FmKameme Fm News

Charity Ngilu gwikinyia mbere ya NCIC

Ngavana wa kaunti ya Kitui,Charity Ngilu,ni ekinyirie kamiti-ini ya urumwe na wuiguithano  NCIC ta uria araathitwo kurumirira miario iria atuhukire ya ucogeri na iria yacungiririe gucinwo kwa rori ya makara.
Ona kuhana o uguo, mawakiri ake matongoretio ni mutongoria wa kiama kia Wiper  Kalonzo Musyoka maugite kuringana na maruwa maria Ngilu aratumiirwo  arari acokie ciuria ciigie miario yake na ruriri rwa Somali no mathie umuthi makorire cira niwa Juja transporters. Kalonzo ni oritie kamiti iyo ndigetikire kuhuthirwo kiuteti.
Oho kalonzo ni ateteire ikinya ria Ngilu ria kuregana na utemi wa miti, ucini wa makara na ugethi wa muthanga akiuga kaunti  3 cia Ikamba-ini iri na thina muingi wa maai.
Kungi nakuo gwatinda nditimurano na mirurungano  barabara-ini ya Nairobi guthii Mai Mahiu magiteta kumanana na gucinwo kwa rori ya mwonjoria umwe kuuma Limuru kaunti-ini ya Kiambu iria yacinirwo kumana na miario ya Ngilu.
Show More

Related Articles