Kameme FmKameme Fm News

Andu 12 kuuma Murang’a kugumirwo ni ndwari ina kiriga

Mundu umwe ni we wikiritwo mukonde gukua riri angi 12 nao marathaitirwo thibitari-ini nene ya Thika Level 5, aria ni kuuma itura ria Nyaga mwena wa Gatanga kaunti-ini ya Murang’a. Uu ni kurumirira kugumirwo ni ndwari iria itari iramenyekana iria iracungiriria kuharwo na gutahika.
Murugamiriri munene wa urigitani thibitari-ini iyo Patrick Nyaga ni we wikirite mukonde uhoro uyu, akiuga gatagati-ini ka acio 12 me thibitari, atandatu ni arume, atandatu ni atumia riri umwe ni mwana.
Ndagitari Nyaga augite ni mareka uthuthuria kugeria kumenya murimu ucio ni uriku, akiuga acio me thibitari matiri hatika-ini.
Kurumirira uhoro uyu ngavana wa Murang’a Mwangi Wairia ni ahingurite kambi ya kwamukira urigitani ndunyu-ini ya Kiunyu kuri aikari a mwena ucio moritio gwikinyia guthurimwo.
Show More

Related Articles