Kameme FmKameme Fm News

Wagagu cukuru-ini umwe Kangema thutha wa arutwo 16 a airitu kugumiirwo ni ndwari ina kiriga ya kuimba guoko kwa urio o murutwo

Kwina wagagu cukuru-ini wa secondary wa Ihiga uria wi mwena wa Kangema kaunti-ini ya Murang’a, thutha wa arutwo 16 a airitu kuuma cukuru ucio kugumiirwo ni ndwari ina kiriga ya kuimba guoko kwa urio hari o murutwo .

Cukuru uyu niwa anake na airitu, no ndeto ya kugegania ni ati arutwo oothe aria mena thina uyu ni arutwo a airitu aria makomaga nio borders guku undu ungi wina kiriga ni ati thina uyu uroneka riria me cukuru no mainuka kwao micii makahona.

Kurumirira riboti cia aciari aya , thina uyu uria wambirie na murutwo umwe term-ini ya gatatu mwaka muthiru uthiite wakiriirie na riu hena murutwo umwe uria uimbite nginya maguru make meri thung’wa-ini.

Kurumirira thina uyu riu arutwo aya matirahota nginya kwandika undu nginya marahurirwo nguo o hamwe na guthambio ni arutwo aria angi.

Riu aciari ao nimaroria cukuru ucio gwetha utheithio mwandanduku itemi-ini ria kung’ethanira na thina ucio makiuga ati arutwo acio maratwarwo thibitari-ini cia Gikui na Kangema kuria no ndawa cia ruo maraheo.

Murutani munene wa cukuru ucio Paul Mwangi ni ekirite ndeto iyo mukonde akiuga ati murutwo umwe thutha wa urigiti ni onekete ena murimu wa mahindi wa bone marrow na ucio ungi murimu wa arthritis.

Show More

Related Articles