Kameme FmKameme Fm News

Mutongoria wa bururi Uhuru Kenyatta na murunawe wa Tanzania John Magufuli gwatha maminista a mabururi maya meri matabanie giikaro kia naihenya

Mutongoria wa bururi Uhuru Kenyatta na murunawe wa Tanzania John Pombe Magufuli nimaathite aminista ngurani a mabururi maya meri matabanie giikaro kia naihenya itemi-ini ria kunina ndugamano gatagati-ini ga Kenya na Tanzania. Uhuru na Magufuli maugite  ikinya riu niriguteithia hari kugacirithia urumwe na wonjoria oro hamwe na kugacirithia miikarire ya muingi wa mabururi maya meri. Atongoria acio eri maiguwaniire uhoro ucio mari mucii-ini munene wa Kampala bururi-ini wa Uganda, hindi ya mucemanio uria urathii nambere wa atongoria a gitaru kia Africa ya Irathiro. Uhoro makiria ukauga  minister wa maundu ma nanja Amb. Monica Juma na murunawe wa maundu ma gitaru kia Africa ya Irathiro Peter Munya nio magatongoria ajumbe a Kenya miario-ini iyo.

Show More

Related Articles