KTVmohoro

James Orengo na Jimmy Wanjigi gwitikirio guthii Zimbabwe

Thutha wa senator wa Siaya James Orengo na mwonjoria Jimmy Wanjigi kurara kiharo-ini kia ndege magiritio guthii bururi-ini wa Zimbambwe, riu nimetikirio guthii ona gutuika ndege iria mangihuthira noyonekire thaa mugwanja cia miaraho.

Eri aya marari mathie na mutongoria wa mung’ethaniro Raila Odinga bururi-ini wa Zimbambwe mathiko-ini ma mutongoria wa mung’ethaniro bururi-ini ucio Morgan Tsvangirai.

Hau kabere murugamiriri munene wa ruhonge rwa uthami Gordon Kihalangwa, ekugite ruhonge ruu rutikwamukirite watho wa igoti wa gucokeria eri acio passport ciao, ona gutuika  watho ucio ucokire kuneanwo kiharo-ini kiu kia ndege niguo metikirio guthie.

Orengo augite arona undu ucio uri giconoko kinene amu ni mutongoria nginya bunge-ini ya senate, na murunawe Jimmy Wanjigi ni  mwonjoria ukurikanite na wigatu.

Show More

Related Articles